Part-01
Halaat E imam E Azam E Aalam رضی اللہ عنہ
Pesh E Lafz
is Qistwar (Part By Part) Tehreer Me Hum Alame Islam Ki Buland Rutba Shakhsiyat Muqtada E Islam Basharat E Nabi ﷺ Dua E Maola Ali imamul Muslimeen Hujjatul Mohaddiseen imamul Aimmah Kashiful Gummah Sirjul Ummah Sayyedna imam E Azam Noman Bin Sabit Koofi رضی اللہ تعالٰی عنہ Ki Mubarak Zindagi Ke Kuch Ahem Gosho'n Ko Pesh Karenge Jisse imam Ke Muqallideen Ko Apne imam E Pak Ke Halaat O WAQIYAAT Ka ILM Hoga, Ye Koi Pehli Koshish Nahi Alhamdulillah 1300 Saal Me imam E Azam Ki Seerat Par Hazaro'n Kitab Arabic Farsi Urdu Aur Deegar Zabano'n Me Likhi Gai'n Jise Padh Kar Ahle ILM Mustafeez Hote Hain, Lekin Afsos is Baat Ka Hai Aaj Ka Musalman Apni Zaban Arbi Farsi Urdu Se WAQIF Nahi, Musalmano Ka 80% Hissa imam E Azam Abu Hanifah Ka Muqallid To Hai Lekin Apne Hi imam Ke Bare Me unki Maloomat Na Ke Barabar Hai, is Liye Mai Ne Roman Urdu Me imam Sahab Ki Mukhtasar Seerat E Pak Likhne Ka Silsilah Shuru Kiya Hai, Agar Log HAQIQAT Me imam E Azam Ko Samajh Le'n Jaan Le'n To Kisi Badbakht Ke Behkawe Me Na Aayen, is Series Me Hum imam E Azam Ki Paidaish, Taleemi Safar, Tijarat, Deeni Khidmaat, Ibadat O Riyazat, Amanat O Diyanat, Tadveen E Fiqh, Aapki Mohaddisana Shaan, Aapka ALIMANA MAQAM Aur Aap Ke Bare Me Salaf Saleheen Ke Irshadaat Neez Aap Par Huye Aiteraaz Ke Jawabaat Denge in Sha Allah......
Allah Ke Nek Bando'n Ke Zikr Se Rehmat E ILAHI Ka Nuzool Hota Hai Meri Ye Chand Satre'n (Lines) is Ummid Par Hai Ki Log ILM HASIL Karen Aur Allah Rabbul izzat iske Zarye Mujhe Qabr O Hashr Ke Azaab Se Mehfooz Rakhe (Aameen) imam E Azam Ki Seerat Aur Deeni Khidmaat Samandar Jaisi Wasee Hai Sab To Nahi Albatta Kuch Ahem Aur Zaroori Bate'n Pesh E Khidmat Hai.....
NAAM O NASAB
Hamare imam Ka Naam Noman Hai Aur Kunniyat Abu Hanifah Aur ALQAAB (Titles) Bahot Saare Hain Jinme Mash'hoor Ye Hain, imam E Azam, Sirajul Ummah, Shahenshahe Hadees Etc...
Noman Naam Ka Matlab
is Par Sabhi Ka Ittefaq Hai Ki Aapka Naam Noman Hai, Aur is Naam Ke Bade Khubsurat Maana Batayege Hain Noman Badan Me us Khoon Ko Khete Hain Jisse Badan Ka Dhancha Qayem Hai, Alhamdulillah imam E Azam Ki Zaat Se FIQHE ISLAMI Ka Dhancha Qayem Hai, Noman Ka Eik Matlab Lal Khushbudar Ghas Hai is Maana Ke Lihaz Se Imam Azam Ki Tamam Adate'n Achchi Aur Kamaal Ko Paohchi Hui Thi'n, Ya Noman Ka Maana Nemat Hai is Hisab Se Bhi Ye Aap Par Fitt Hota Hai Ki Aap Makhlooq Par Allah Ki Nemat Hain....
Kunniyat Ki Wajah
Hum Ne Baarha Bataya imam E Azam Ko Jo Abu Hanifah Kaha Jata Hai uski Wajah Ye Nahi Ki Aapki Koi Beti Hanifah Naam Ki Thi, Balki Abu Hanifah Haneef Ka Mo'annas Hai Aur Haneef Ka Mana Ibadat Guzar Hai Aur Beshak imame Azam Be-misl Aabid O Zahid The, Abu Hanifah Kunniyat Ki Aur Bhi Bahot Se Wajhe'n Bayan Hui Hain Jise Mai Ne Apne Bayano Aur Deegar Mazameen Me Bayan Kiya Hai....
----------------------
Part-02
Halaat E imam E Azam E Aalam رضی اللہ عنہ
Sayyedna imam E Azam Abu Hanifah رضی اللہ عنہ us Mubarak Daor Me Paida Huye Jab Huzoor ﷺ Ke Sahaba Duniya Me Maujood The, 1 Qaol Ke MUTABIQ Duniya Me Aakhri Sahabi Hijri 120 Tak The, Hamare imam E Azam Ki Paidaish Ke Bare Me 3 Qaol Hain Hijri 61, 70 Aur 80 Ke.. Hijri 80 Par Sabhi Ka Ittefaq Hai isse Aage Kisi Ne Bayan Nahi Kiya, Agar Hijri 80 Bhi Maan Liya Jaye To imam E Azam Ne Sahaba Ka 40 Salah Mubarak Zamana Paya Hai....
Zara Sochiye Ye Kaise Mumkin Hai imam E Azam Ke Daor Me Huzoor ﷺ Ka Koi Sahabi Hayat Ho Aur imam E Azam Ne Usse Mulaqat Na Ki Ho ? Hamare Shaher Ya Gaon Me Koi Bada Alim Ya Peer Aaye To Hum Jaise Gunehgar Sab Kaam Dhaam Chhod Kar Unki Ziyarat Ko Jate Hain Phir Aisa Ho Sakta Hai imam E Azam Jaisa Deendaar Muttaqi Parhezgar insan Sirf Susuti Aur Kahili Ki Bina Par Kisi Sahabi Ki Ziyarat Se Mehroom Rahe? Nahi Aur Hargiz Nahi imam E Azam Ne Sahaba Ki Ziyarat Bhi Ki Aur Unse Hadees Bhi Lee is Bina Par Aap Taba'ie Hain in Sha Allah Aage iska Bayan Aayega...
KHANDAN AUR AA'BAA WA AJDAD
imam E Azam Arbi Nahi Farsi The Yani Faris Ke Rehne Wale Aapke Dada Jinka Naam Zoota Tha Hazrat Ali رضی اللہ عنہ Ke Hath Par iman Laye Jinka Name Badal Kar Noman Rakha Gaya Aur Yahi Name imame Azam Ka Bhi Hai, Eik Din iraniyo'n Ke Tehwar Naoroz Par Aapke Dada Ne Hazrat Ali Ko Faloodah Pesh Kiya Aur Arz Ki Aaj Naoroz Hai (Saal Ka Naya Din Farsi Calendar Ke Hisab Se) Hazrat Ali Ne Farmaya Hamare Yaha'n Har Din Naoroz Hai (Yani Musalman Ka Har Din Naya Din Hai) Aapke Dada Ne Islam Qabool Karne Ke Baad Koofa Me Rehna Shuru Kiya Jo Hazrat Ali Ka Darul Khulafa (Capital) Tha, Jab imam E Azam Ke Walid Hazrat Sabit Paida Huye To Aapke Dada Unhe'n Hazrat Ali Ki Bargah Me Laye Hazrat Ali Ne unke Aur Unki Awlad Ke Liye Dua Farmai, is Liye imam E Azam Ko Basharat E Nabi Aur Dua E Maola Ali Kaha Jata Hai, imam E Azam Ki Paidaish Koofa Sher Me Hi Hui us Koofa Sheher Me Jiski Buniyad Hazrat Sa'ad Bin Abi Waqas Ne Hazrat Umar رضی اللہ عنہ Ke Hukm Par Hijri 17 Me Rakhi Thi Aur Jahan Hazrat Ali Ne umoor E Khilafat Anjaam Diya, Koofa ILM O Fazl Ka Shaher Tha....
imam Ahmed Bin Abdullah رحمہ اللہ Kehte Hain Koofa Me 1500 Sahaba Tashreef Laye
📗 Fathul Qadeer, Jild-1, Page-42
Ibne Sa'ad رحمہ اللہ Likhte Hain 70 Badri Aur 300 Bai'at E Rizwan Wale Sahaba Bhi Koofa Me Tashreef La Chuke Hain
📗 TABQAT IBNE SA'AD Jild-6,Page-4
Zahir Hai Jis Shaher Me is Kasrat Se Sahaba Ki Aamad Hui Ho Aur Jahan Sahaba Ka ILM Aam Hua Ho Us Shaher Me Paida Hone Wale Azeem imam un Sahaba Ke Tamam Uloom Ke Hamil Honge Hi...
--------------------------------------------
Part-03
Halaat E imam E Azam E Aalam رضی اللہ عنہ
imam E Azam Ka Karobar
Riyal Par Raal Tapkane Wale Gair Muqallideen Jo Pakke Duniya'Daar Hain Wo imame Azam Par Eik ILZAM Ye Bhi LAGATE Hain Ki imam E Azam Ne Badshao'n Ki Aasani Ke Liye Hadees Ki Mukhalifat Kar Ke Hanfi Mazhab Ki Buniyad Rakhi Aur isi Wajah Se Hanfi Mazhab Duniya Bhar Me Phaila Hai, unhe Maloom Hona Chhaiye Jaise Tumhare Mulle Aale Saud Ki Chaakri Karte Hain Unke Khilaf E Islam Kamo'n Par Bhi Zaban Nahi Kholte Jab Koi Sawal Kare To Kehte Hain Saudi Me Tahueed Kitni Pakki Hai Ye Dekho Yani Tauheed Ki Aad Me Jaisa Chaho Haram Se Haram Kaam Kiye Jao ? imam E Azam Khud Badshao'n Ki Awlad Me Se Hain Aur Khandani Tajir (Businessman) Hain, Na Unho Ne Kabhi Badshao'n Ke Nazrane Qabool Kiye Na Unke Ohde Na Unki Marzi Ke Fatwe Diye iske Liye Aapko Kode Tak Maare Gaye Jail Me Bhi Dala Gaya Akheer Umr Me Zaher Tak Diya Gaya, Mazhab E Hanfi Duniya Me is Liye Phaila Ki Ye Quran O Sunnat Ke Sab Se Ziyadah Qareeb Hai Allah Wa Rasool Ka Pasandidah Mazhab Hai Jiski Shahadat Dusre Fuqha Ne Bhi Dee Hai, imam E Azam Ne Koofa Me Aankh Kholi Shuru Me Hasab E Zaroorat Taleem Hasil Ki Jisse Haram O Halal Aur Farz O Wajib Ka ILM Aa Jaye, Phir Karobar Ki Taraf Mutawajjeh Huye, imam Sahab Ne Resham Ke Kapdon Ka Karobar Shuru Kiya Unka Khud Khaz Baafi (Resham Ka Kapda Khud Banana) Ka Karkhana Tha...
Khateeb Baghdadi Likhte Hain.. Abu Hanifah Khaz Kapde Ke Tajir The unka Karkhana Amr Bin Hurais Ki Kothi Me Tha
📗 Tareekh E Baghdad V-3,Page-325
Jaise Aaj Kal Shopping Malls Hote Hain Jinme Kai Brand Ki Shop's Hoti Hai Aisa Hi Koofa Me Daar E Amr Bin Hurais Compound Tha Usme Kai Karkhane The usme imam E Azam Ki Bhi Eik Factory Thi Kapdo'n Ki,,
imam Sahab Ka Business us Zamane Me Sirf Koofa Nahi Balki Nishapoor Basra Baghdad Bukhara Door Door Tak Phaila Hua Tha, Kai Log Aapke Partner The Jaisa Ki Hafs Bin Gayas Kehte hain Mai imam E Azam Ka 30 Saal Partner Raha, Tijarat Me imam E Azam Diyanatdar Aur Baat Ke Sachche Admi The, Aap Me 4 Bate'n Aisi Thi Jisse insan Ek imandar Aur Kamyab Businessman Banta Hai 1> Aap Lalchi Na The 2> Nihayat Amanatdar The 3> Maaf Karne Ki Adat Thi 4> Pakke Deendar The Raat Me Ibadat Karte Din Me Roza Rakhte The Aapki In Adaton Ki Wajah Se Ulma Ne Aapki Tijarat Ko Sayyedna Abu Bakr Siddiq رضی اللہ تعالیٰ عنہ Ki Tijarat Se Tashbeeh Dee Hai,,
Khareed Aur Farokht Me Kabhi Kisi Ki Gaflat (Na Janne Ka) Ka Faida Nahi Uthate The Jaise Aaj Kal Dukandar Dekhte Hain Grahak Ko is Chiz Ki Qeemat Nahi Pata To Chuna Laga Diya Alhamdulillah Hamare AAQA imam E Azam Ka Isse Daman Pak Tha,
Eik Aurat Ka WAQIYA
Eik Majboor Aurat imam E Azam Ke Pas Koi Kapda Le Kar Aai ise Khareed Lo Aapne Pucha Kya Qeemat Hai usne Kaha 100 Rupay imam Sahab Ne Farmaya Nahi iski Qeemat Ziyadah Hai Wo Badhati Gai Yahan Tak Ki usne 400 Kaha imam sahab Ne Farmaya Nahi Ye isse Bhi Ziydah Ka Hai Aurat Ne Chidh Kar Kaha Aap Mazaq Na Banaye'n Lena Ho Le Lijiye imam Sahab Ne Kaha Allah Ki Bandi Ye 500 Rupay Ka Kapda Hai Aur Use 500 De Kar Bhej Diya.
📗 Alkhairatul Hisan Page-87
Zara Sochiye Agar Hum Hote To Uske Muh Se 100 Sun Kar Kam Karte Ya Badhate ?
Aur Sochiye Jo Duniyawi Len Den Me Dhoke Baazi Na Karta Ho wo Pak imam Deen Me Galat Bayani Se Kaam Lega ?
Aib Dar Chiz Bechne Se Roka
Aaj Kal Log Phati Purani Notes Ko Heele Bahane Se Chalate Hain Bas Meri Musibat Nikal Jaye Ab Agla Jane Aur Uska Naseeb Khoti Chiz Khari Keh Kar Bechte Hain Hamare imam Ka Haal Padho...
Eik Kapde Me Koi Aib Tha Aap Ne Apne Sathi Se Kaha is Aib Ko Bata Kar Grahak Ko Dena Sathi Ne Jab Kapda Becha To Aib Batana Bhool Gaye Jab Wapas Aaye Aur Paisa imam Sahab Ke Samne Rakha To Aapne Pucha Aib Bataya Tha Sathi Ne Kaha Bhool Gaya Aap Ne Wo Saari Raqam SADQAH Kar Dee
📗 Tarikhe Baghdad V-13, P-385
Jo imam Duniya Ke Mamle Me ALLAH Se is Qadr Darta Ho Ki Saman Me Khot Jise Bardasht Nahi Kya Wo Deen Me Maslak Me Khot Rakhega?
--------------------------
Part-04
Halaat E imam E Azam E Aalam رضی اللہ عنہ
Grahak Se Sahi Daam Me Maal Lena Agar Aibi (Defect) Maal Bik Jaye To Wo Sara Paisa SADQAH Karna Bas Yahi Khoobi Nahi Thi imam Sahab Ki Eik Aur Jaame Khoobi Jiski Misal Hame'n Tajiro'n Ki Jamat Me Dekhne Nahi Milti Hamare imam E Azam Ki Thi Aur Wo Ye Ki Agar Koi Maal Tay Qeemat Se Upar Bika To imam Sahab Za'id (Extra) Raqam Laota Dete The Jaisa Ki is WAQIYE Se Pata Chalta Hai...
Sirf is Liye Madina Gaye
Eik Din imam Sahab Dukan Par Na The Eik Grahak Kapda Lene Aya To Aapke Nokar Ne use Wo Kapda Ziyadah Qeemat Me Bech Diya, Jab imam Sahab Aaye Aur Hisab Kiya To Maloom Hua Qeemat Ziydah Lee Gai Hai, Aapne Bechne Wale Ko Gussa Kiya Aur Farmaya Tum Logon Ko Dhoka Dete Ho Halanki Tum Mere Sath Rehte Ho Aapne Grahak Ke Bare Me Pucha To Maloom Hua Wo Madine Ka Rehne Wala Tha, imam Sahab Ko Ziyadah Qeemat Lena Bar Bar Takleef Me Mubtela Kar Raha Tha, Aap Ne Za'id Raqam Wapas Karne Ki Garaz Se Madine Sharif Ka Safar Kiya, Lekin Mushkil Ye Thi Ki Aap Use Pehchante Na The Aapne Bahot Talash Kiya Lekin Wo Nahi Mila Eik Din Aap Masjid Me Baithe The Dekha Eik Admi Namaz Padh Raha Hai Aur Wahi Kapda Uske Badan Par Hai, Aapne Usse Pucha Ye Kapda Tum Ne Kaha'n Se Liya Usne Kaha Koofa Se Pucha Koofa Me Kis Ki Dukan Se Usne Kaha Noman Bin Sabit Ki Dukan Se Aapne Farmaya Ye Kapda Jo Tum Ne Pehna Hai Mera Hai Aur Wo Dukan Meri Hi Thi Mere Sathi Ne Tumhe Ye Ziyadah Raqam Me Becha Hai Ya Tum Ise Wapas Kar Ke Raqam Puri Lo Ya Jo Za'id Liya Hai Wo Wapas Lo usne Kaha Janab Mai To ise Kai Bar Pahen Chuka Hun Aap Mujhe Extra Raqam Wapas Karen imam Sahab Ne Use Upar Ke Paise Diye Aur Allah Ka Shukr Ada Kar Ke Koofa Laot Aaye
📗Manaqib E Mawfiq Jild-1,Page-199
Hum Aur Aap Karobar Kis Liye Karte Hain Apne Ghar Walon Ki Kifalat Apni Zaroorat Aur Aish O Ishrat Aur Apni Awladon Ke Liye Zameen Jaidad Banane Ke Liye Lekin imam E Azam Ka Tijarat Karna Badshaon Ke Tohfe Se Bachne Apni Mukhtasar Si Zaroorat Pura Karne Aur Khas Taor Se Deen Ke Kaam Me Mashghool Ulma Wa Fuqha Aur Deen Seekhne Wale Talba Ki Madad Ke Liye Hota Tha, Sath Hi Gareeb Nadaar Hajat Mandon Ki Maali Madad Ke Liye Hota Tha, Aur Imam Sahab Ki Ye Madad Eik Bar Nahi Pure Saal Chalti Rehti Thi Aapki Sakhawat Ka Darya Hamesha Rawa'n Rehta Tha Jab Aap Ulma Fuqha Aur Awliya Allah Ki Khidmat Karte To Yun Farmate The..
Jo Mai Tumhe Deta Hun Tum Log Apni Zaroorat Puri Karo Aur Shukr Sirf Allah Ka Ada Karo Kyun Ki Mai Ne Tumhe'n Apne Maal Se Kuch Nahi Diya Balki Allah Ne Mujh Par Apna Fazl Kiya Aur Tumhare Hisse Ka Rizq Mere Hatho'n Tum Tak Paohchaya Hai
📗 Tareekh E Bhagdad, Jild-13, Page-360
imam Sahab To Shuru Se Hi Karobar Se Jud Gaye The Lekin Jab Aapne Deen Ki Khidmat Ka Silsilah Shuru Kiya To Karobar Ko Band Nahi Kiya Taki Zaati Aur Gharelu Zaroorat Me Koi Adchan Na Aaye Aur Ulma Aur Fuqha Ki Khidmat Ruk Na Jaye Aap Jab Tak Rahe Karobar Se Jude Rahe Jurrat Aur Bebaki Se HAQ Bolte Rahe Amiron Waziron Badshaho'n Ke Nazrano'n Ki Taraf Ankh Utha Kar Bhi Nahi Dekha Kyun Ki Jo Amiron Ke Tohfe Qabool Karta Hai Use Unke Galat Kamo'n Par Rokne Tokne Ki Himmat Nahi Hoti Aur Alhamdulillah Hamare imam HAQ Bolne Me Kisi Ki Parwa Nahi Karte The..
----------------
Part-05
Halaat E imam E Azam E Aalam رضی اللہ عنہ
Koofa Shaher Ki ILMI Haisiyat
Jaisa Ki Hum Ne Bataya Tha Amirul Momineen Sayyedna Umar Farooq رضی اللہ عنہ Ke Hukm Par Hazrat Sa'ad Bin Abi WAQAS رضی اللہ عنہ Ne 17-Hijri Me Koofa Shaher Ki Buniyad Rakhi Thi Jisme 1500 Sahaba Tashreef Laye The, Sahaba Woh Pakeezah O Mubarak Jamat Hai Jis Jamat Ka Har Fard Aadil Muttaqi Parhezgar Khuda Parast Wa Khuda Raseedah Hai, Jinki Deeni Wa Roohani Tarbiyat Khud Rasool E Kareem ﷺ Ne Farmai Hai, Nafse E Sahabiyat Me Tamam Sahaba Eik Hain Farq Hai To Martabe Ka Qurb Ka Fahme Quran O Tadabbure Hadees Ka usme Koi Aala Koi Bahot Aala Hai,
imam Masrooq Farmate Hain
Mai Ne Sahaba Ki Jamat Se Faiz Uthaya To Dekha Tamam Sahaba Ka ILM Simat Kar 6 Buzurgon Me Aa Gaya, Hazrat Umar Hazrat Ali Abdullah Bin Masood Hazrat Muaz Ibne Jabal Hazrat Abu Dardah Aur Hazrat Zaid Bin Sabit Phir in 6 Ka ilm Mai Ne 2 Logo Me Jama Paya Hazrat Ali Aur Hazrat Abdullah Ibne Masood Me
📗Tazkiratul Huffaz Jild-1,Page-24
Sab Jante Hain Amirul Momineen Sayyedna Maola Ali Aur Mu'allim E Ummat Sayyedna Abdullah Ibne Masood in Dono Ne Jo ILM Huzoor E Anwar ﷺ Ki Bargah Se Paya use Koofa Me Aam Kiya, Abdullah Bin Masood To Hazrat Ali Se Pehle Hi Koofa Tashreef La Chuke The Jahan Aap Masjid E Koofa Me Hazaro'n Talba Ko Padhate The Jab Maola Ali Ne Koofa Me Ibne Masood Ke Shagirdon Ko Dekha To Farmaya ibne Masood Ne Koofa Ko (ILM Ka) Roshan Chiragh Bana Kar Chhoda Hai
📗 MANAQIB E MAWFIQ V-2,P-140
1500 Sahaba Ka ILM Koofa Me Zahir Hua Muallime Ummat Sayyedna Abdullah Ibne Masood رضی اللہ عنہ Ka ILM Koofa Me Aam Hua Aur Maola Ali Shere Khuda Damad E Mustafa رضی اللہ عنہ Ke ilm O Fazl Ki Barish Bhi Koofa Me Khoob Jhamajham Barsi,
Ibne Taimiyah Hambali Likhte Hain..
Hazrat Ali Ka ILM Aur Fiqh Koofa Me unki Khilafat Ke Zamane Me Zahir Hui
📗 Minhajus Sunnah Jild-4,Safah-137
Hujjatullahil Balegah Me imamul Hind Shah Waliullah Dahelvi علیہ الرحمہ Ne Farmaya Hazrat Ali Ke Aksar ILMI Wa Fiqhi Faisle Koofa Me Hi Huye Hain...
is Tamheed Ka MAQSAD Ye Tha Ki Aap Jaan Jaye'n Koofa Kaisa ILM O FAZL Ka Shaher Tha Aisa Shaher Jahan imam Bukhari Bhi Hadees Lene Kitni Baar Gaye unhe Yaad Nahi, usme Hamare Imam E Azam Ne Sahaba Aur Sahaba Ke Khas Shagirdon Se Apna Deen Seekha, imam Sahab Ke Baare Me Bataya Gaya Aap Jawani Me Karobar Se Jud Gaye The Phir ILM E Deen Ki Taraf Rukh Kaise Hua Aap Khud Farmate Hain...
Mera Koofa Ke Bazar Me Khaird O Farokht Ke Liye Aksar Aana Jana Laga Rehta Tha Raste Me Koofa Ke Mash'hoor Tabaie Buzrug imam E Hadees Aamir Bin Sharaheel Shabi (Paidaish 14 Hijri Wafat 109 Hijri) Ka Makan Tha (imam Shabi Ne Bade Bade Sahaba Ki Ziyarat Ki Unse ILM Sikha Aap Siha Sitta Ke Siqah Rawi Shumar Kiye Jate Hain) Eik Din imam Shabi Ne Pucha Ladke Tum Kaha'n Jate Ho Mai Ne Arz Ki Huzoor Bazar Me imam Sahabi Ne Kaha Mera Matlab Hai Kin Ulma Ke Pas Ja Kar Deen Seekhte Ho Mai Ne Kaha Mera Ulma Ke Pas Jana Kam Hai Aapne Farmaya Apne Aap Ko ILM Me Lagao Ulma Ki Majlis Me Baitho Mai Tum Me Bedar Dimaghi Aur Khojne Ki Salahiyat Dekhta Hun
📗Uqoodul Jaman Page-60
imam Sahab Farmate Hain Imam Shabi Ki Baat Mere Dil Par Lag Gai Aur Mai Ne Bazar Jana Kam Kiya Aur ILM Hasil Karne Ki Raah Lee,,,
Shuru Ne imam E Azam Ne ILME Kalaam (ilme Munazrah) Par Kafi Mehnat Ki Bahot Se Munazre Kiye Khawarij Ke Firqe Ibadiyah Safriyah Se Motazala Jahmiya Murjiya Ko Bhi Dhool Chatai Phir Farmate Hain Meri Soch Me Tabdeeli Aai Aur Mujhe Maloom Hua Asl ILM Jisse Quran O Hadees Ki Sahi Samajh Hasil Ho Aur Jisse AQIDE Aur Aamaal Me Sudhar Aaye Wo ILMUL FIQH Hai, Chunanche Aap Ne ILMUL FIQH Ke Husool Ke Liye Hazrat Hammad Ki Darsgah Me Hazri Dee Jo Hazrat Ibraheem Nakhie Ki Gaddi Par Baithe The Aur Woh Hazrat Alqamah Ke Janasheen The Aur Wo Hazrat Abdullah Ibne Masood Ke Aur Wo Huzoor E Pak ﷺ Ke Sahabi Wa Shagrid The Yani Sirf 5 Wasto'n Se imam E Azam Huzoor ﷺ Ke Shagird Hain, Ye To Hammad Wali Sanand Hai Warna Dusri Jagah Aap Sirf 2 Watson Me Huzoor ﷺ Ke Shagrid Hain..